Friday, December 8, 2017

ගිනි පුපුරු






ගිනි පුපුරු,

ඝන කැලේ කපයි උන්
නිදහසේ
මහ කැලේ හුන් වනසතුන්
කොහි ගියේ..

මුළු රටේ සිල්වතුන්
බොහෝ ඇතේ..
ඇස් ඉදිරියේ විනාසයි
වනන්තරේ..

මහතුනේ,
උඟුල ගනිව් තොපේ ඇස් ගෙඩි
නොපෙනේනම් විනාසේ..
වරෙන්,යමව් රැකගන්න
මහ කැලේ..
නැතිනම් කපයි උන්
නිදහසේ
මහ කැලේ...

විල්පත්තුවේ
ගිනි පුපුරු
ඇවිලේවි මුළු රටේ
නිදහසේ...

(ගිනි පුපුරු ඇවිලීමට පෙර දෙසැම්බර් 14 සවස 2 විහාර මහදේවි උද්‍යානයට ජාති,පක්ෂ,පාට,ආගම් භේදයකින් තොරව ඔබත් පැමිණෙන්න)

මලීෂ් කඹුරුගමුව.

Sunday, July 30, 2017

මිනිසෙක්..




විප්‍රයෝගය මා වෙලාගෙන
සිතිවිලි ශුන්‍ය හදවතක්
අපේක්ෂා භංගත්වයෙන් පෙලෙන
මිනිසෙක්
කතරක දිය බිදක් සොයන්නෙකු ලෙස
ජීවත් වීමට අරමුණක්
සොයයි......


මලීෂ් කඹුරුගමුව.




අරුමය




ඉමක් නිමක් නැති අහස් ගව්ව යට
අතොරක් නොමැති සිතිවිලි සයුරක
රිදුම්දෙන අාදරය
අරගලයක
නිතර හමුවන
එහෙත් හමුනොවන
රුමය....


මලීෂ් කඹුරුගමුව.

Saturday, July 29, 2017

'මෝටර් බයිසිකල්' මගේ අැසින්




මෝටර් බයිසිකල් තිරගත උනා,මට බලන්න යන්න මාර උනක් තිබුනෙ.මිතුරැ හවුලට යෝජනාවක් දැම්මත් ටිකෙන් ටික මග අැරැණ. අද එ්කට වෙලාව අාව.ෆිල්ම් එක බළල එලියට අාව විතරයි සෙට් එකම නොසෑහෙන්න දේවල් කියල මට සංග්‍රහ කලා.වැඩිදෙනා කිව්ව විදියට උන් බලපු පට්ට පජාති ෆිල්ම් එක.කොහොම උනත් මගේ කියවීම ඊට වෙනස්.

පවතින සමාජ ක්‍රමය විසින් නිර්මාණය කරන ලද නිර්ධන පාංතික මෙන්ම පහල මධ්‍යම පාංතික නාගරික ජීවිත ගොඩක්(අපිත් අැතුළුව)පැය එකයි විනාඩි හතලිස් පහක් අැතුලත අපිත් එක්ක අපිට අපේ ජීවිත අභ්‍යන්තරය පොඩි කියවීමකට පොඩි අවස්ථාවක් සලසනව.දේපල රහිතභාවයෙන් සහ එ්ව ග්‍රහණය කිරීමට යත්න දරන හිනමානයෙන් පසුවන පහල මැද පංතිය සහ කම්කරැ ජනතාව දේපල ලබා ගැනීමේ ප්‍රමෝදය අතර කල දවස ගෙවයි.දේපල උකහා ගැනීම සදහා කල හැකි සමාජය පහත් යැයි සම්මත ඔිනෑම ක්‍රියාවලියකට සම්මාදන් වීමට පසුබට නොවන ජීවිත අධි අර්ථකථනයකින්තොරව හරි හෙමීට අපි ඉදිරියෙන් යෑමට සලස්වයි.අභිසරැලියන් මෙන්ම තැඹිළි විකුණන්නාගේ දරිතය හරි අපූරැවට උක්ත කල්පිතය සංතෘප්ත කරයි.

පශ්චාත් ධනවාදයේ අාතල් එක හරි රහට රස විදින සහ එහි ප්‍රතිඵල භුක්ති විදින ෆැන්ටසිය තම උරැමය කරගත්,රැකියා විරහිතභාවයෙන් බැට කන අපේ කාලයේ තරැණ ජීවිතය සජීවීකරණය කරන්නේ දසුන්.ධනවාදයේ උරැම කරපු බයිසිකල් උන්මාදයට යටවුණු තරැණයා මුදල් අගහිගකම් මැද වාරික ක්‍රමයට සිහින යථාර්තයක් කිරීමට යත්න දැරැවද රැකියා විරහිතභාවය ඊට හරස් කපයි.උගසට තබන රන් මාලයෙන් බලාපොරොත්තු සාක්ෂාත් කරගත්තද එයත් ගිලිහී යන්නේ එයද සමාජ ක්‍රමය නිර්මාණය කල උගුලක් නිසාවෙනි.

මිනිසා තුල අැති අධික කාමුක අසහනය තෘප්ත කරගන්න ලව් කියන එක අැතුලෙ වගේම එයින් ඔබ්බට ගිහින් අභිසරැලියක් එක්ක හෝ අැන්ට පාරක් එක්ක විනාඩි කීපයක් ගෙවන්න හදන මහන්සිය චිත්‍රපට වෘතාන්තය තුල කියවීමක් කරයි.

පෙම් සුව විදින්න දසුන් සහ සමනලී මුළු දවස පුරා ලොකු වෑයමක් දරන අතර පසුතලයෙ අැති අතුරැ චරිත වල තරැණ යුවලවලටද මෙකී ප්‍රශ්නයට මැදි වී අැති අයුරැද ඔවුන් වැල්ලේ,ගස්යට,ගල් උඩ මිරිකෙමින් දරා ගන්න බැරි හැගීමක් ලබන්නට උත්සුක වෙයි.මේක වල් කමද,පාදඩ කමද එහෙම නැත්නම් අාදරයද යන්න අර්ථ කථනයක් දීමට නොහැකි අතර එය එකිනෙකට සාපේක්ෂ කාරණයකි.

කෙසේ නමුත්,මේ සමාජ අර්බුද මැද, යන්න එන්න තැනක් නැතිව සිකියුරිටි බැනුම්,පොලිස් කෝචොක් එක්ක පංති කට් කරල අාදරය විදින්න දසුන් එක්ක සමනලී එක දවසක් අැතුලත මහන්සි ගන්නව.

මේකෙ සුපිරි නළුවො නෑ...පට්ට ස්මාට් පොරකුත් නෑ...ගැහුවම දහයක් දොළහක් විසිවෙන ෆයිට් නෑ...ඉතිං අපට මේව සෙට් වෙන්නෑ..මොකද,අපි tamil ෆිල්ම් ප්‍රේක්ෂකාගාරයෙ ඉන්න පත්තියන් වෙනකම් එ්ව බලන අධි රසඥතාවයෙන් පිරි නරබන්නොනේ.....


මලීෂ් කඹුරුගමුව.





























































Thursday, July 27, 2017

අන්ධ (අ)වාසනාවන්තයා.

               
න්ධ  (අ)වාසනාවන්තයා.                            

ලෝකය දකින්නට වරම් නොලද මම
වාසනාව මුලිනුපුටා දැමුවේ
බහ තේරෙන අවදියේදීමය.
මක්නිසාදයත්, උත්පත්තියේදීම
මෙලොව එලිය දැකීමේ වාසනාව
මාව අතැරගොස් අැති බැවිනි.


කාලය කෙමෙන් ගෙවින
රැකියාව ලොතරැයි විකුණන්නෙකු විය.
දුම්රියපොළ රැකියා ස්ථානයයි මගේ
උදේ සවස හරි කලබලය
යනෙන උන්ගේ අඩි ශබ්ද, ජීවිතය කියාදේ මට
උදෑසන වේගයෙන් දුවන අඩි ශබ්ද
බලාපොරොත්තු පොදි බැදගත් වූවන්ගේ විය යුතුය.
සවස් වරැවේ මන්දගාමී අඩි ශබ්ද
බලාපොරොත්තු සුන් වූවන්ගේ විය යුතුය
ඔවුන්, ඔවුන්ගේ පාවහන් ගෙවා දැමීමට 
මහත්සේ කැමැත්තක් දක්වයි.


ඇතමුන් මා ළගට පැමින 
අසරණයාට උදව් කරනු පිණිස
මිලදී ගනියි ලොතරැයි, අනෙක් අයට පෙනෙන්ට
නමුත්, ඔවුන්ගේ අඩිශබ්ද 
කියාපායි හෘද සාක්ෂිය මට
කෙලෙසද, වාසනාවක් නොලද මගෙන්
අන්ධ මිනිසාගෙන් වාසනාව සොයන වග


ලෝකය නොදකින මගෙන්
ලොකය දකින ඔවුන්
වාසනාව සොයන විට
අසරණයා කව්ද?
මගේ අාත්මය සිනාසෙයි
වාසනාවට.....


මලීෂ් කඹුරුගමුව.


Tuesday, June 20, 2017

හුදෙකලාවට අාදරෙන්.



 
හුදෙකලාවට අාදරෙන්.

ඔබේ මතකයෙන්
වික්ෂිප්ත වූ මනස
සමාජයෙන්
මා
අෑත් කිරීමට
සාධක විය..
හුදෙකලාව
උඹෙන් ලද
දායාදය
සවිඥාණික කළා
ජීවිතය
උමතුව
පරයමින්......


මලීෂ් කඹුරුගමුව.

















ගැබ්බර මිනිසා.

                                                                 

                                                             
                                                                 ගැබ්බර මිනිසා.


මොට්ටුවක හිත දැවටිලා
හදවත
අාදරෙන් ගැබ්බර වෙලා
අධිරෝපනයට ඉඩදී
හදවත විස්තාරනය වෙලා
විච්ඡේදනය කර කළල බන්ධය
අැය
අාදරය ගබ්සා කලා....
ගබ්සාවට පෙරාතුව නොදැණුනෙමි
ගැබ්බරිත බව අාදරෙන්
දැන උන්නනම්
එ් වග
ජීවය ලබා දෙමි
කළලීය අාදරයට
අැගේ පහස ලබන්නට....

මලීෂ් කඹුරුගමුව.





















Sunday, June 18, 2017

ඇහැළ ගහ.

ඇහැළ ගහ




ඇහැල ගහ
ආදරණීයව මල්බර වෙලා 
කහපාටට
ඇගේ රැවුම්, ගෙරවුම්, වලට බියපත්
 පොහොට්ටු
හොරැහින් බලයි මුකුළිත වන්න..


ටයිපින් කාමරය අසල
ඔබේ හුස්ම සමගැටෙන
ලැජ්ජාවෙන් ළෙලෙන
අහිංසක ඇහැල පොහොට්ටුවකි
තවම මම...


ඇසල මල්
සුවද තැවරුනු
දවසේ මිහිරිතම හඩ
ඇගේ රතැගිලි පහසින් උද්දාමයට පත්
යතුරු පුවරුවේ 
ආත්මීය සංධ්වනියයි...



මලීෂ් කඹුරුගමුව.
















Thursday, June 1, 2017

අධ්‍යාපන පෞද්ගලීකරනයේ ශෝචනීය ඉරනම....

අධ්‍යාපන පෞද්ගලීකරනයේ ශෝචනීය ඉරනම....


වෙළදපොළ අාර්ථික ක්‍රමයක් පවතින සමාජයක් අැතුළත භෞතික වස්තූන්ගෙන් ඔබ්බට ගොස් මානූෂීය හැගීම් පවා මේ මොහොත වන විට මුදලට ලංසු තියමින් පවතී.අධ්‍යාපනය ලැබීමේ අයිතිය වැනි මූලික මිනිස් අයිතිවාසිකම් පවා හරි අපූරැවට මුදල් මත තීරණය කිරීම නිදහස් අධ්‍යාපනයක් පවතිනවායැයි කියන රටක අධ්‍යාපනයේ ශෝචනීය ඉරණම පෙන්නුම් කරයි.පෞද්ගලික විශ්ව විද්‍යාල මෙහි උග්‍ර අවස්ථාවයි.මීට පෙර අවස්ථාව ටියුෂන්කරනයයි.
                                        දෙමාපියන්ගේ එ්කායන ප්‍රාර්ථනය වනුයේ තම දරැවනට ඉතා හොද අධ්‍යාපනයක් ලබා දීමයි.5 ශිෂ්‍යත්වය,සා.පෙළ,උසස් පෙළ වැනි තරග විභාගයන් මේ වන විටත් ටියුෂන් මාෆියාවට යට වී හමාරය.ටියුෂන්කරණයේ ප්‍රතිඵලය වනුයේ නිර්ධන පාංතික මෙන්ම පහල මධ්‍යම පාංතික පවුල්වල දෙමාපියනට තම දරැවන් වෙනුෙවන් හැම සතයක්ම පාසා වියදම් කිරීමට සිදුවීමයි.එයින් වැලකී සිටීමට එසේ නැතහොත් ටියුෂන් නොයවා සිටීමට නොහැකි තත්වයක් නිර්මාණය වී හමාරය.

අධ්‍යාපන පෞද්ගලීකරනයේ ඊළග දිගුව වන්නේ ටියුෂන්කරණයෙන් ඔබ්බට ගොස් පෞද්ගලික විශ්ව විද්‍යාල අැති කරලීමයි.වරප්‍රසාද ලත් පංතියකට පමණක් සීමාවන මෙය ධනපති පංතිය නඩත්තු කිරීමට ගත් මහත් පරිශ්‍රමයක් බව මනාව පැහැදිලිය.විශ්ව විද්‍යාල අධ්‍යාපනය ලැබීමට නොහැකි පිරිසට රජය මගින් වෙනත් උසස් ඩිප්ලෝමා පාඨමාලා අාදිය හදුන්වා දී අැත(සතුට දායක මට්ටමකට නොවුනත්).එනමුත් සමාන සුදුසුකම් අැති පිරිසකගෙන් මුදල් අැති නැති හැකියාව මත වර්ග කර වරප්‍රසාද ලත් පැලැන්තියකට වෙෙද්‍ය උපාධිය හෝ වෙන යම් උපාධියක් ලබා දීම ඉතාම අශිෂ්ට,තුච්ච,පාදඩ ක්‍රියාවන් නොවන්නේ මන්ද?,රටක පුරවැසියන් ලෙස අාණ්ඩුවකින් බලාපොරොත්තු වනුයේ මෙවැන්නක්ද?

අාණ්ඩුව අධ්‍යාපන කප්පාදුකරනය කිරීමට මේ වන විටත් මුල පුරා අැත.පාසල් නිළ අැදුම් ලබා ගැනීමට මුදල් වවුචර ලබා දීම එහි මූලික අඩිතාලමයි.

කන්නංගර වාර්ථාව උපුටා දැක් වීම,


"අපේ අධ්‍යාපන ක්‍රමයේ සංසිද්ධිය වූකලි ගාස්තු ගෙවීමට පුළුවන් අය බෙහෙවින් අැතුළු වන සහ එසේ ගාස්තු ගෙවීමට නොහැකි අය යන දෙවර්ගයක පාසල් බිහිවීමයි.එකකින්, තවෙකකට මාරැවීම ලෙහෙසි කාර්යයක් නොවන හෙයින් දුප්පත් දෙමාපියන්ගේ දරැවෙකුට උසස් අධ්‍යාපනයක් ලබා ගැනීමට අසීරැය.කවරදා හෝ ළමයා ඉංග්‍රිසි අධ්‍යාපනය අත්හිටුවන්නේ ඔහුගේ දක්ෂතාව සීමා වීමෙන් නොවේ.ඔහු වයස  14,16,හෝ 18 දී පාසල හැර යා නම් එයට හේතුව ඔහු සිය අධ්‍යාපනයේ සීමාවට පැමිණිම යයි කීමට ඉඩ තිබුණත් අැත්තෙන්ම මෙහි අැත්තේ පියාගේ පසුම්බිය හිස් වීමය.නැතහොත් සිය පවුලේ සහෝදර සහෝදරියන් උදෙසා ඉතිරි මුදල් ටික මිඩංගු කිරීමය."


එදා කන්නංගරයන් එය අවබෝධ කරගත් බැවින් පාසල් රජය සතු කරගත් අතර එතුමානන් විසින් නිදහස් අධ්‍යාපනය ලබා ගැනීමේ අයිතිය ලාංකීය ජන සමාජයට ලබා දුනි.එනමුත් තමන්ගේ පෞද්ගලික වුවමනාවන් හා වාසි තකා කුහක දේශපාලුවන් විසින් නිදහස් අධ්‍යාපනය ලැබීමට අැති අයිතිය අනාගත පරපුරෙන් උදුරා ගැනීමට දත කයි.ඔවුන්ගේ වෑයම සාර්ථක වීම යනු ඉතාම නුදුරැ අනාගතයේදීම පෞද්ගලික විශ්ව විද්‍යාල රකුසා නැති බැරි උන්ගෙන් අධ්‍යාපනයට අැති අයිතිය උදුරා ගැනීමයි.

අාණ්ඩුව බලයට පත් විමට පෙර ප්‍රජාතන්ත්‍රවාදය ස්ථාපිත කරනවා යැයි පුරසාරම් දෙසා බෑ බව උන්ට අමතක වී අැත.ප්‍රජාතන්ත්‍රවාද නියථාර්ථ විමට නම් අාගම් භේද, සමාජ හා අාර්ථික තත්වය නොතකා සියළුම විශ්ව විද්‍යාල ජනසතු විය යුතුය.ශිෂ්‍යයන් අැතුළු කර ගැනීම සීමා කරන ජනතාවගෙන් එක් කොටසකට පමනක් වෙන් වූ පෞද්ගලික විශ්ව විද්‍යාල පැවැත් වීමට ඉඩ දුන හොත් එය ප්‍රජාතන්ත්‍රවාදය නැති කිරීමකි.

                       අපි අාණ්ඩුවට තරයේ බල කර සිටිනවා සයිටම් ජනසතු කල යුතු බවට,මක්නිසාදයත් ජනතාවගේ මුදල් වලින් මේ අායතන ගොඩනැගී අැති හෙයිනි.එ් විතරක් නොව අධ්‍යාපනය හා සෞඛ්‍ය පෞද්ගලීකරණය වහාම නැවැත්විය යුතුය.අයිතීන් දිනා ගන්නා තුරැ අරගලය අඛන්ඩව පවතින බවද මතක තබාගත යුතු වැදගත් කරැනකි.


                                                     මලීෂ් කඹුරුගමුව.




.